|
- [Trilinguism]
Iel pa assé fé l ejam de ladin per giapé l atestat de trilinguism?
- No, per giapé l atestat de trilinguism muessen fé sibe l ejam de tudësch che chël de talian sciche nce l ejam de ladin, pona giapen duc y atestac.
- Data: 3.11.2010
|
|
- [Trilinguism]
Co possi pa me njinië al ejam scrit?
- I tesć d’ejam dl livel “A/B” y dl livel “C” (50 talians y 50 tudësc per uni livel) cun la sies dumandes aldò ie publichei te internet sota: www.provinzia.bz.it/material por s'arjigné - icona publicazions. Pudëis ve stampé i tesć che ve nteressea y purvé a respuender ala dumandes. Da chësta culezion de tesć uniral trat ora l di dl ejam “a cajo” un n test per talian y un per tudësch. Tl tëmp de 45 menuc messerëis pona respuender per ladin gherdëina o badiot ala 6 dumandes scrites sota l test.
- Data: 20.7.2010
|
|
- [Trilinguism]
Cie suzedel pa sce ne posse per vel’ gauja nia unì a dé ju l ejam n chël di che son unì nvià?
- Mé tl cajo che n ie amalei l di dl ejam possen, mé un n iede tl tëmp de 90 dis, damandé n auter tiermul d’ejam scrijan a nosc ufize y juntan n zertificat dl dutor (uriginel).
- Data: 16.6.2010
|
|
- [Trilinguism]
Co possi pa mandé la dumanda de iscrizion ai ejams?
- Canche n l à scrit ora y sotscrit possa l formular de iscrizion unì mandà:
1) tres posta
2) tres fax al numer 0471 413999, njuntan nce la fotocopia, danca y dovia, de n documënt de identità valëivl y se seguran telefonicamënter (tel. 0471 413911 o 0471 413909) che dut ie ruvà sciche toca y da liejer;
3) tres posta eletronica – ebt@provincia.bz.it -, njuntan na copia dl documënt de identità valëivl, danca y dovia,
- Data: 16.6.2010
|
|
- [Trilinguism]
Iel pa mesun ti cialé al scrit d’ejam nia passà?
- Sci, avisa l di dl ejam nstës tla sënta di ejams tl segondo partimënt.
- Data: 16.6.2010
|
|
- [Trilinguism]
Possi pa cherdé su vosc ufize per unì sëura sce ne son nia passà pra l ejam scrit?
- No, chësc ne ie nia puscibl pervia dla lege sun la privacy (decret legislatif n. 196/2003).
- Data: 16.6.2010
|
|
- [Trilinguism]
Possi pa dé ju l ejam de uni livel o mé chël curespundënt a mi titul de stude?
- N po se scrì ite a uni livel d'ejam, unfat cie scola che n à fat. De mpurtanza iel che n ebe cumplì y 14 ani per l ejam di livei D y C y 17 ani per l ejam di livei B y A.
- Data: 16.6.2010
|
|
- [Trilinguism]
Possi pa damandé na fotocopia de mi ejam scrit nia passà?
- Sci, chësta pon se damandé tl segondo partimënt dla sënta di ejams, paian € 0,15 per plata.
- Data: 16.6.2010
|
|
- [Trilinguism]
Possi pa me damandé che l ejam, a chël che me é scrit ite, vënie fat l plu riesc che la va?
- Sci, ma mé tl cajo che n uel tò pert a n cuncors publich lià a n tiermul. Per nfurmazions avisa pòn cherdé su la secretera di ejames.
- Data: 16.6.2010
|
|
- [Trilinguism]
Sce ne posse nia unì a dé ju l ejam l di che son unì nvià, muessi pa aspité 90 dis per unì inò cherdà coche l suzed canche un ne passa nia l ejam?
- No, l candidat unirà cherdà tl orden cronologich. Aspité 90 dis muessa mé chëi che ne passa nia l ejam o che uel fé l ejam a usc "A" do vester passei l ejam "B".
- Data: 16.6.2010
|
