La prevenziun da dependënzes

La prevenziun da dependënzes mët man dër adora y abracëia l’essënza dla porsona intiera. Al é n prozes compliché che tol ite la sozieté, l’ambiënt, la familia y les istituziuns. Deache les gaujes de dependënza (fisica y psichica) é tan desvalies n’él gnanca ma öna na rezeta decuntra. La miú prevenziun passa fora por l’atenziun di bojëgns primars dla porsona y le renforzamënt dles competënzes de vita che ara adora por se realisé deplëgn.
Le monn dla scora pó cherié n lian danter l’insegnamënt dl savëi teorich y la lerch por n bun confrunt tla vita reala. N clima de crëta inviëia a podëi ester y crësce te süa individualité. Na bona sozialisaziun smendrësc l‘isolaziun, la tëma, l’agressivité y le druch dl grup y na didatica daverta sostëgn la creativité, la responsabilité, la ressoluziun de conflic, le respet, le coraje zivil, la vëia da vire y da fá. Le fi cöce dla prevenziun é l’amur por la porsona y por la vita instëssa.

Sostëgn a iniziatives cuntra la maladoranza de alcol, föm, droghes, jüch y ater

Elaboraziun y realisaziun deboriada de proiec y iniziatives spezifiches tiran ite porsones y istituziuns competëntes.

Renforzé competënzes vitales - Valurs che dá orientamënt

“Aziun de renunzia” (Carsëma 2020)

Na iniziativa dl Forum Prevenziun tratan la Carsëma en colaboraziun cun les Direziuns de istruziun y formaziun y tröpes d’atres organisaziuns dl teritore y sura i confins fora.

Prevenziun de inzidënc sön strada: “Die letzte Sekunde meines Lebens” y/o Pegaso