Hauptinhalt

Comunicać dal Ufize Stampa dla Provinzia

Scora / Cultura | 03.01.2018 | 14:56

Scolines ladines: Iscriziuns por l'ann de scolina dai 15 ai 19/01/2018

Dai 15 ai 19 de jenà dl 2018 sarál poscibl da fá les iscriziuns dles mitans y di mituns tles scolines dles valades ladines por l’ann de scolina 2018/19.

L’Ispetorat por les scolines ladines dl’Intendënza ladina lascia alsavëi che dai 15 ai 19 de jenà dl 2018 sarál poscibl da fá les iscriziuns dles mitans y di mituns tles scolines dles valades ladines por l’ann de scolina 2018/19.

Al po se scrí ite les mitans y i mituns nasciüs danter le 01/09/2012 cina ai 29/02/2016. Pro l’iscriziun él da se tó para le codesc fiscal dla möta o dl möt. Les iscriziuns por l’ann 2018/19 vëgn tutes sö dai 15 ai 19 de jenà diretamënter tles singules scolines.

Informaziuns plü monüdes che reverda l’iscriziun él i geniturs che po ciafé diretamënter tles scolines competëntes tl comun de residënza, tres l’Ispetorat por les scolines ladines (strada Binder 29, Balsan, tel. 0471 / 41 70 05), pro la sënta dla Direziun dles scolines Ladinia a Urtijëi (strada Roma 4, tel.: 0471 / 79 71 17) y pro la seziun destacada a Picolin (tel. 0474 / 52 41 17).

 

(USP)

  1. I orars por fá les iscriziuns dles mitans y di mituns tles scolines [PDF 7 KB]

(Atualisà ai: 28/04/2011)