Hauptinhalt

Comunicać dal Ufize Stampa dla Provinzia

Desvalì | 03.07.2018 | 13:43

Cutes universitares: retüda ampliada a prësc 60 Paisc

Al podará damané na retüda dles cutes universitares düc i studënc che frecuentëia na université di 57 Paisc dla Conveziun de Lisbona firmada tl 1997.

La retüda dles cutes universitares pó sëgn ince gní damanada da studënc che stüdia te un di 57 Paisc che á sotescrit la Convenziun de Lisbona  - Foto UspLa retüda dles cutes universitares pó sëgn ince gní damanada da studënc che stüdia te un di 57 Paisc che á sotescrit la Convenziun de Lisbona - Foto Usp

La Junta provinziala á aprové incö ai 3 de lugio na reforma di criters por la conzesciun dles retüdes dles cutes dl’Université: da sëgn inant podará fá domanda de contribut les studëntes y i studënc che stüdia te n Université di 57 Paisc che á sotescrit la Convenziun de Lisbona firmada tl 1997 por le reconoscimënt di titui di stüde. I criters nüs adöm ala lista di Paisc é gnüs aprová dala Junta provinziala.

La Provinzia prevëiga la retüda tles cutes universitares ai studënc che á le dërt da ciafé n stipendium sön la basa dla detlaraziun de davagn y de patrimone. Cina sëgn á la Provinzia ma paié les cutes a studënc che stüdia tla Talia o te Paisc todësch. “Cun chësta mosöra orunsé sostigní l’internazionalisaziun de nüsc studënc che se möi tres de plü te Paisc tl’Europa y sura döt le monn”, á dit le presidënt dla Provinzia Arno Kompatscher.

Por l’ann de stüde 2018/19 él preodü na norma de tranisiziun che garantësc la retüda por al mascimo le 80 porcënt dla cuota cina n limit de 3.000 euro por les cutes. Al ne gnará nia azeté domandes por cutes universitares da paié cun na soma de manco de 300 euro. “Cun chësta mosöra sarál poscibl da ti dé a de plü studënc la poscibilité da ciafé na retüda les spëises”, á stlarí l’assessur por la formaziun Philipp Achammer. Les domandes podará gní fates por l’ann academich 2018/19.

(USP)

(Atualisà ai: 28/04/2011)