Hauptinhalt

Comunicać dal Ufize Stampa dla Provinzia

Scora / Cultura | 07.08.2018 | 13:37

Scora ladina: Assegná indöt 12 posć a tëmp indeterminé

N lönesc él gnü assegné indöt dal’Intendënza ladina 12 posć a tëmp indeterminé y 75 suplënzes anuales por les scores elementares, mesanes y altes.

Sis posć tles scores elementares y sis posć tles scores mesanes y altes: en lönesc ai 6 de agost él gnü surandé a Balsan tla sënta dl’Intendënza ladina 12 posć de rode y 75 suplënzes anuales por i insegnanc che á ciafé l’abilitaziun y che é inseris sön les gradatöres tles scores elementares, mesanes y altes ti comuns dla Val Badia y Gherdëna. Ti ultimi 4 agn él gnü assegná endöt 52 posć de rode.

Dötadöm él sté poscibl da assegné 6 posć de rode a tëmp indeterminé por ci che reverda les scores elementares, 1 post de rode a tëmp indeterminé tles scores mesanes y 5 posć de rode a tëmp indeterminé tles scores altes che vëgn manajades dal’Intendënza ladina da Balsan. Di sis posć a tëmp indeterminé tles scores elementares dles valades ladines é cater posć fora dl organich de dërt y sui dal organich provinzial suplementar. Ince les 28 suplënzes anuales y i 3 posć por la religion á podü gní dá ia. Le rest dles ores gnará dades ia ai 9 de agost dales 9.00 tla scora mesana d’La Ila.

Por ci che reverda la scora mesana ál podü gní dé ia n post de rodul por l’insegnamënt dl talian. Tles scores altes reverda i 5 posć dá ia reverda dui la matematica, un les materies leterares y dui dessëgn y dessëgn geometrich tl “Cademia “Ti ultims cater agn él sté poscibl da assegné indöt 52 posć de rode, che desmostra n svilup positif de nosta scora y é n segnal de continuité important por ne garantí nia ma stabilité dla didatica por i scolars y les scolares, mo ince la segurëza profescionala di insegnanc che laora tla scora paritetica ladina”, á dit l’assessur por la scora ladina Florian Mussner. Ince por l’intendënt dles scores ladines Roland Verra él l’assegnaziun la conferma che “i sforc per assiguré la continuité educativa y pedagogica che vá inant y daür les prospetives profescionales de nosc insegnanc.”

Le diretur de repartiziun Felix Ploner á ince tut l’ocajiun de ringrazié i esperc dla Intendënza Claudia Aquilini por les scores elementares Mario Tempesta por les scores mesanes y altes, che á laoré con gran profescionalité por arjunje chësc travert.

 

Nia dötes les suplënzes anuales ná podü gni curides y al sará sëgn les direziuns che messará curí le servij tan important por nostes mitans y nüsc mituns.

(USP)

(Atualisà ai: 28/04/2011)