Hauptinhalt

Comunicać dal Ufize Stampa dla Provinzia

Scora / Cultura | 20.09.2018 | 16:07

Inclujiun soziala: Reconescimënt por la scora mesana da San Martin

Cun le proiet "162 punc d’odüda" é la scora mesana da San Martin rovada al pröm post pro le concurs de creativité sön l'inclujiun soziala dla Fiera de Balsan.

Les scolares y i scolars dla scora mesana da San Martin tratan la premiaziun (Foto: Marco Parisi)Les scolares y i scolars dla scora mesana da San Martin tratan la premiaziun (Foto: Marco Parisi)

Indöt á i scolars dla mesana da San Martin (ann de scora 2017/18) ortié ite 162 punc d’odüda da corusc y creatifs dal concurs dal titul "Inclujiun soziala y integraziun tla comunité". Le concurs é gnü organisé tl ann de scora 2017/18 dala Fiera de Balsan y dal Raiun Inovaziun y Consulënza dla Direziun Istruziun y Formaziun todëscia. Dan da püch é la classa gnüda premiada por le miú laur tla Fiera de Balsan.

Do na discusciun lungia sön l'inclujiun y l'integraziun, sciöche ince na vijita ala ciasa de palsa da San Martin, á i scolars implí 27 dasc deforaia cun contignüs, corusc y manires de dí. Insciö él gnü a se le dé 162 punc d’odüda personai di scolars. I lingac y i corusc conzed tres indô da cherié combinaziuns y formes nöies, olache al n'é nia variantes falades o dërtes. Chësc messaje dess ince gní porté ite tl prozes d'integraziun por ti dé ai mituns n punt d'odüda desvalí sön chisc argomënc dla sozieté, vëgnel dit da pert dles porsones inciariades dl'integraziun.

Sön les perts desvalies él portraits, parores y lëtres, che podô gní combinades a na manira desvalia. Al é gnü adoré i lingac ladin, talian, todësch y inglesc.

Inclujiun, sotrissëia le personal insegnant che á fat para, ó dí tla vita da vigni de dla scora che dötes les porsones che laora y vir iló se vëiga y azetëia cun sües capazités, conescënzes y bojëgns desvalis. A chësta minunga y al fat che düc dess avëi les medemes oportunités da imparé y crësce, vëgnel lauré vigni de, insciö le personal insegnant che lalda la scomenciadia dla Fiera de Balsan olache al ti vëgn dé na gran visibilité a chësc argomënt.

(USP)

(Atualisà ai: 28/04/2011)