Hauptinhalt

Comunicać dal Ufize Stampa dla Provinzia

Scora / Cultura | 09.11.2018 | 11:25

"Jun a cianté!": presentaziun dl liber nü ai 17 de novëmber

Ara gnará presentada tl Istitut Ladin a San Martin de Tor la publicaziun nöia "Jun a cianté!" che contëgn 25 cianties tradizionales por mituns te cater lingac.

NN'ilustraziun dl liber "Jun a cianté" che gnará presenté ai 17 de novëmber a San Martin de Tor

Por ladin, talian, todësch y inglesc: te chisc cater lingac él gnü realisé na publicaziun nöia por mituns y mitans. Le liber nü á inom "Jun a cianté!" y é gnü realisé da André Comploi en colaboraziun cun l'Istitut Ladin "Micurá de Rü". Le fin dla publicaziun nöia é chël da atoché n punt important dla formaziun y educaziun d’aldedaincö: la promoziun dl cianté cun mituns y dl plurilinguism tl medemo tëmp. I mesi é classics y moderns: da öna na pert n liber stampé y registraziuns cun sonns tuc sö dal ví y nia computerisá, dal’atra pert na app y la poscibilité da ascuté les registraziuns diretamënter tres n codesc QR. Les ilustraziuns tl liber é de Matteo Rubatscher. La presentaziun dl liber nü gnará a se le dé

en sabeda, ai 17 de novëmber

dales 16:00

tla sënta dl Istitut Ladin Micurá de Rü

a San Martin de Tor.

 

(USP)

  1. L'invit ala presentaziun dl liber [JPG 20 KB]

(Atualisà ai: 28/04/2011)