Hauptinhalt

Atualità

Cultura Ladina | 22.08.2017 | 08:35

Scribo: Cuncors leterer

Ueia de scrì y de vester creatives? Al cuncors leterer vëniel lascià pro pec de prosa y teater. Unfat sce cun esperienza o manco, jëun o vedl; l vën damandà creatività, fantajia – y n pue de curaje! L terminn da dé ju ie ai 31 de mei dl 2018!

La Repartizion Cultura y Intendënza ladina sustën la leteratura. L cuncors de pesć motivea da ani scritëures a scrì per ladin. L'opres muessa vester urigineles y scrites te una na varianta dl ladin dl Sela. Pra l cuncors possen dé ju opres che fej pert dla sezion prosa o teater. Tò pert al cuncors possa duc chëi che à cumplì i 16 ani. L vën fat doi categories: na sezion per i jëuni (dai 16 ai 25 ani) y na sezion per chëi sëura i 25 ani. Da vëncer iel per uni categoria n pest de 3.000,00 Euro y de 2.000,00 Euro. I lëures scric te una dla variantes ladines dl Sela ie da dé ju al plu tert ai 31 de mei dl 2018 dala 12.00 tl ufize cultura ladina (streda Binder 29, 39100 Bulsan) o possa unì mandei per posta tres lëtra recumandeda o tres pec: culturayintendenzaladina@pec.prov.bz.it. Nia azetà vëniel lëures bel publichei, opres bel publichedes te d’autra rujenedes o lëures bele dac ju a cëses editëures.

I pec letereres mandei ite che vën valutei aldò, unirà nce publichei te n liber. I particuleres dla bandida dl cuncors possen nce liejer do tl internet sot a www.provinzia.bz.it/scribo

Nfurmazions plu avisa iel da giapé tl Ufize cultura y scola ladina Tel. 0471/41 70 20 o 0471/41 70 21. o tres e-mail a alexander.piccolruaz@provinz.bz.it / barbara.perathoner@provinz.bz.it

(BP)

  1. bandida dl cuncors leterer Scribo [PDF 181 KB]

(Atualisà ai: 29/12/2008)