Hauptinhalt

Atualità

Desvalives | 12.03.2018 | 16:40

Iniziativa di zitadins europeics „Minority Safepack“

L’iniziativa “Minority Safepack” é n’iniziativa di zitadins europeics, inviada ia tl 2012 dal’Uniun Federalista dles Nazionalités Europeiches (FUEN), cun le fin da cherié na basa iuridica sterscia a livel europeich por la sconanza dles mendranzes nazionales y linguistiches, mo ince di lingac regionai.

Al contrar dl rest dl’Europa y d’atres regiuns olach’al vir mendranzes culturales y linguistiches, á nosta Provinzia na gran autonomia y pîta de vigni vers na sconanza di dërc dles mendranzes. I podun porchël dí ch’i un na gran fortüna da vire te n te raiun y ch’i sun n ejëmpl por ci che reverda la convivënza danter deplü grups linguistics y la sconanza dles mendranzes.

Sciöche sëgn de solidarieté ti confrunc dles atres mendranzes culturales y linguistiches europeiches y por fissé a livel iuridich la sconanza dles mendranzes de döta l’Europa, sostëgn la Provinzia Autonoma de Balsan l’iniziativa “Minority Safepack”. L’ann passé de setëmber á le Consëi Provinzial, tres na lîta che á ciafé na gran maioranza, (ma öna n’astenjiun), inciarié la Junta Provinziala da informé i zitadins de chësta iniziativa.

Por che l’iniziativa pois ti gní presentada ala Comisciun Europeica, messarál gní abiné, anter i 3 d’aurí 2018, almanco 1 n miliun de firmes de zitadins de almanco 7 Stac mëmbri dl’Uniun Europeica. Implü messarál gní superé te vigni Stat la cuota de firmes dada dant por chël Paisc: por la Talia ó chësc dí 54.750 firmes. Nosta Provinzia á na pert fondamentala da abiné adöm chëstes firmes.

Vigni zitadina y vigni zitadin é porchël invié da tó pert al’iniziativa, firman le formular injunté o sön la plata internet http://www.minority-safepack.eu/, por ti dé ales mendranzes na basa iuridica sterscia a livel europeich.

Por Osc sostëgn Ves diji dër bel dilan
y Ves salüdi dër bel,

Arno Kompatscher
Presidënt dla Provinzia

(ev)

(Atualisà ai: 29/12/2008)