Chiche son

L Ufize stampa dla Provinzia de Bulsan, n curt USP, à l duvier de dé inant for inò nfurmazion a na maniera trasparënta sun l lëur dl Guviern provinziel y dla Provinzia de Bulsan. Per chësta atività vëniel adurvà de plu canai, danter chisc ie nce la plates internet a chëles che ti cialëis iust. Sëuraprò ala prejënza sun internet dà l Ufize stampa inant nfurmazion a passà 200 redazions de zaites, televijions, radio y plates internet tl Südtirol y nce oradecà. La nuviteies da pert dl Guviern provinziel y dla Provinzia vën dates inant te trëi rujenedes (ladin, tudësch y talian). Mplu dà ‘USP’ ora diesc iedesc al ann la zaita provinziela „Das Land Südtirol/Provincia autonoma“. L vën stampà 50.000 copies tla rujenedes tudësch y talian, te tramedoi verscions iel nce vel articul tla rujeneda ladina. L Ufize stampa dl Provinzia dà nce ora publicazions sun l statut de autonomia nuef y l’autonomia dl Südtirol.