Scola / Cultura | 04.09.2010

Ladins prutagonisc' de na nueva na rë de cuntac danter mendranzes

USP - L festival dla mendranzes de Aosta ie finà via n sëira (3 setëmber) cun na detlarazion de ulëi curé na rë de sinergies, cuntac y culaburazion danter la mendranzes. Deberieda cun la mendranzes aostanes, bretones y catalanes à l assessëur Florian Mussner sustenì chësta lianza reprejentan i ladins dla Dolomites.

Scola / Cultura | 04.09.2010

Festival dla mendranzes: la ulentà de mantenì fej la defrënzia

USP - L segondo di dl festival dla mendranzes a Aosta à dat ucajion a paredlé la situazion scolastica danter la Catalogna, Bretagna, Aosta y la Ladinia. L scola ie una dla seves plu mpurtantes per mantenì la mendranzes etniches: ulache l sustëni publich ie dëibl, se à la cumenanza dat da fé.

Scola / Cultura | 02.09.2010

Nota ladina tl prim di dl festival dla mendranzes a Aosta

USP – Tla Val d’Aosta iel inier, prim de setëmber unì giaurì l festival dedicà ai populi de mendranza. Deberieda cun la mendranzes dla region Aosta se anconta y paredlea chëst ann i catalans, bretons y i ladins reprejentei dal Assessorat ladin dla Provinzia de Bulsan. Duman vënderdi sarà l assessëur ladin Mussner ghest dl Festival.

Ambiënt | 02.09.2010

Lëures sun Resciesa, tl parch naturel Puez-Odles

USP – L troi che porta al Christ de Resciesa ne vën nia ngrandì ma me cumedà ca sun ncëria dl Ufize provinziel per i parcs naturei. Che la ie nscila à inier (prim setëmber) nce cunstatà reprejentanc di chemuns y dla lies naturalistiches. La vijita ai lëures ie unida metuda a jì do usservazions ai lëures cun l festide che l unissa fat na streda dainora.

Frabiché | 02.09.2010

Vijita al cantier dl spedel nuef a Bulsan: i lëures va inant drët bën

USP – I lëures a Bulsan per l spedel nuef de 255.000 metri cubich cun n custimënt de 237 milion de euro va inant drët bën. Per l 2015 fejen cont de finé de frabiché. Chësc ie l bilanz dla vijita dl presidënt la provinzia Luis Durnwalder cun i assessëures Florian Mussner, Richard Theiner y Christian Tommasini, inier prim de setëmber.

Museums | 01.09.2010

Museum Ladin gëura ai 3 de setëmber si verzon nuef

USP – L Museum Ladin a S.Martin de Tor prejënta n vënderdi 3 de setëmber dala 6 da sëira si verzon nuef. Dala 7 da sëira uniral prejentà i prudoc dl marcià rëidl che ie da giapé tla ustaria dl Museum.

Politica | 30.08.2010

Durnwalder de reviers dala Ruscia: cooperazion de economia y energia

USP – Doi regions tl’est dla Ruscia fova sun l program de viac dl presidënt dla Provinzia Durnwalder ntan na curta ena. Do l’ancuntedes tla region dl Kamtschatka ie Durnwalder furnà tla region sibirica dl Altai ulache la se tratova de proiec cuncrec de culaburazion tl turism, agricultura, energia y ambient.

Ambiënt | 30.08.2010

Ai 9 de setëmber gëura a S.Crestina la mostra sun la Dolomites

USP – La Dolomites da duman abenëura, pizes che passa ora n mer de nibl, ciofs y tieres da daujin: per capì la marueia y la belëza de nosta montes muessen les avëi ududes. Ai 9 de setëmber uniral a S.Crestina giaurì na mostra de fotografies sun la Dolomites.

Desvalí | 30.08.2010

Finà via l stritoz per Ötzi – sëurandat l cumpëns

USP – L stritoz per l cumpëns de avëi abinà Ötzi ie ncuei (30 agost) finà via de fin. L presidënt dla provinzia Luis Durnwalder à sëurandat al aucat de chëi che ova abinà la mumia, Georg Rudolph, n scech simbolich de 175.000 euro. Chësta ie la soma de cumpëns che fova unida fata ora danter i arpadëures dla copia Simon y la Provinzia de Bulsan.

Scola / Cultura | 30.08.2010

Na mostra de ideies per l Di dla Scola ladina

USP - Ai 10 de setëmber 2010 vëniel tl zënter dla scoles autes a Urtijëi metù a jì l Di dla Scola ladina te na forma nueva. L unirà pità na sort de marcià dla ideies, na mostra de “bona pratiches” sun i argumënc dl plurilinguism, dla scienzes y dla criatività. L di dedicà a duc chëi che lëura per la scola ladina unirà giaurì dal presidënt dla provinzia Luis Durnwalder y dal assessëur Florian Mussner.